ദര്‍പ്പണം

ഞാന്‍ തിരസ്കൃതന്‍
ഉരുകുന്ന അഗ്നിപര്‍വതത്തിന്റെ ഹൃദയമുള്ളവന്‍
പ്രണയത്തിന്റെ പരിച അണിഞ്ഞവന്‍
സംഗീതത്തെ ശ്വാസമാക്കിയവന്‍ ............

ചുറ്റിക വീഴുന്ന ശബ്ദമാണ് ഓണം...



കിടക്കാനിടം തന്ന ഹിജഡയുടെ നെഞ്ചില്‍ 
ചുറ്റിക വീഴുന്ന ശബ്ദ്ധമാണ് ഓണം .
പോസ്റ്മോര്ട്ടം മുറിയുടെ വരാന്തകളില്‍
അവളുടെ നെഞ്ചില്‍ വീഴുന്ന ഓരോ ഇടിയും
ചുവന്ന പൂക്കളമൊരുക്കി..

കാളി ഘട്ടിലെ ബീദിയോനില്‍ ,
അവളിലേക്ക് കത്തിയിറക്കപെട്ടതിനു, 
കാരണം ഹിജഡയല്ലാത്ത ഒരാള്‍..

അവള്‍ക്കു വേണ്ടി സാരി അണിഞ്ഞതും,
പൊട്ടു കുത്തിയതും എനിക്കാഘോഷം,
.
കാമുകിയോടു കേണു ഉറങ്ങാനിടം,
" നാളെ ഉച്ചയൂണിനു വരിക".. അവള്‍

കാമമൊഴുക്കിയവള്‍ക്കും..
റൊട്ടിയും കനവും നീട്ടിയ.
ഹിജഡക്കുമിടയിലായിരുന്നു ഞാന്‍.എന്നും .

അകത്തു വെട്ടിയിട്ടും മുറിയാത്ത ഹൃദയത്തോട്,
പ്രണയത്തിലായ നിമിഷം വെന്തു മറിയുന്നു ..

മധുരി ദീദിയുടെ വ്യഭിചാര ശാലയില്‍ ,
തബല വായനക്കാരന്‍., .
പലരും പ്രാപിച്ചതിന്റെ നോവാല്‍,
നേപ്പാളി പെണ്‍കുട്ടി വിളമ്പിയ ചോറ് .

സ്വാതന്ത്ര്യ ദിനാഘോഷം എച്ചിലാക്കിയ അലങ്കാരങ്ങള്‍ ,
വിലയേറിയ സുന്ദരി കോയലിന്റെ മുറിക്കു ചുമര്‍, .

പുലരുവോളം ,
ഞെരമ്പുകള്‍ പിണഞ്ഞു തീരുമ്പോഴാണ്, ..
ഓണമാവുന്നത് ...

കൈനിറയെ പണം തന്നു എന്നെ മകനാക്കിയ ദീദി ,
വറ്റാത്ത കാമത്താല്‍ മുത്തമൊഴുക്കിയ കോയല്‍ ,

എന്നെ പൊള്ളുന്ന പനീയില്‍-
നെഞ്ചോടു ഇറുക്കിയ ഹിജഡയമ്മൂമ,
ഉണങ്ങിയ വിരലാല്‍ വിളര്‍ത്ത ചുണ്ടിലേക്ക്‌-
വെള്ളമിറ്റിച്ച സന്താളി പെണ്‍കുട്ടി.

വെളുക്കുവോളമാടിയിട്ടും ഉരുപ്പടിയാക്കപെടാത്തത്തില്‍,
നൊന്തു ജീവനൊടുക്കിയ സീത ലക്ഷ്മി.,
കൈത്തണ്ട ഉറങ്ങുവോളം എന്നെ അമ്മാനമാടിയ_
കരുണയില്ലാത്ത പോലിസ്കാരന്‍.

അറ്റമില്ലാത്ത ദേശീയ കലക്ക്,
ഹരിശ്രീയെഴുതിച്ച പിംബുകളുടെ ഗുരു തപന്‍ദ...

കിടപ്പറ വിട്ടിറങ്ങുമ്പോള്‍ സമ്മാനമായി കസവ് മുണ്ട്, .
ഹിജഡയുടെ ശവത്തില്‍ പൊതിഞ്ഞതാണാഘോഷം..

ചത്തവളോടൊപ്പം ,
തോള്‍ ചേര്‍ത്തു നടന്നപ്പോളാണ്.
ഞങ്ങള്‍ ഒന്നായി പിറന്നത്‌ ..

മാലോകരെല്ലാം ഒന്ന് പോലെയെന്നും ,
കോയലിനെ തേടുന്നവരല്ലാം മാവേലിയെന്നും...
വയര്‍ പുകഞ്ഞ നേരത്തറിഞ്ഞത് .

ആരെയോ ആരോക്കെയോ
രാത്രിയും പകലുമില്ലാതെ,
അത്തവും ചിങ്ങവുമില്ലാതെ ,
പൂക്കളവും പൂമ്പാറ്റയുമില്ലാതെ ,
ഉപ്പേരിയും പ്രദമനുമില്ലാതെ,
വള്ളംകളിയും വഞ്ചിപാട്ടുമില്ലാതെ ,

മിഴിയണച്ചു ഇരുളില്‍ ഇഴഞ്ഞു നീങ്ങുമീ തെരുവ് ,
ഓണ തെരുവാണ് എന്നതും ഒരു ഓണമായിരുന്നു .

കാരണം
വരുന്നവര്‍ക്കെല്ലാം കോയലായിരുന്നു ഓണം ...

4 comments:

ബഷീര്‍ പി.ബി.വെള്ളറക്കാട്‌ said...

ഹൃദയത്തിൽ തീ കോരിയിടുന്ന വരികളിൽ ഒരു വിത്യസ്ഥ ഓണം

ajith said...

ഇതും ഓണം

സൗഗന്ധികം said...

നല്ല കവിത

ശുഭാശംസകൾ...

ormmathulli said...

vythyastha maaya onam...vaykiyaanu kanneeruppil aakhoshichath..

chuttika ppadukal kond pookalamitta angeykk bhaavukangal..