ദര്‍പ്പണം

ഞാന്‍ തിരസ്കൃതന്‍
ഉരുകുന്ന അഗ്നിപര്‍വതത്തിന്റെ ഹൃദയമുള്ളവന്‍
പ്രണയത്തിന്റെ പരിച അണിഞ്ഞവന്‍
സംഗീതത്തെ ശ്വാസമാക്കിയവന്‍ ............

..എപ്പോഴെങ്കിലും ആത്‌മഹത്യ ചെയ്തേക്കാവുന്ന കാമുകിക്ക്....


എന്റെ മനസ്സില്‍ മുളച്ചോരീ മുറിവേറ്റ ചുംബനം,
നിന്റെ പരിഭവ പകലിന്നു മഴയായ് മാറിയോ,,

നിന്നില്‍ നിറക്കുവാന്‍ തീര്‍ത്തൊരീ നൊമ്പരം
രാഗമായ്‌ രാത്രി തന്‍പാതിയിലോഴുക്കി ഞാന്‍....


ഏകയായ് അന്ന് നീ മിഴിനീര്‍ കുടിച്ചിട്ട്,
മൂകനാം എന്നുടെ മൊഴിയില്‍ മയങ്ങിയോ..


വിജനമാം പാതയില്‍ നമ്മെ തനിച്ചാക്കും.
വിധിയെ വിലങ്ങിടാന്‍ നാം മറന്നേക്കുമോ..

അലസമാം മനസിന്റെ നടനമാണെങ്കിലും,
അതിലുള്ള സത്യത്തെ ഓര്‍ക്കാതിരിക്കുമോ....


മരണം തിളക്കും കഠാരക്ക് മുന്നിലും,
മധുരമായ് നീ അന്ന് കാമിച്ചിരുന്നുവോ..

ഇരയെ പിടിക്കുവാന്‍ ഉഴറുന്ന കഴുകന്
ഇണയായി മാറുവാന്‍ ഈ വിധം മാല്യമോ?

നരകത്തിലിന്നു നീ നാരിയായ് വാഴുവാന്‍
നിറയെ കൊടും നോവ്‌ കൂട്ടി വച്ചീടണോ..

അവസാനമായി പിറന്നതാണെകിലും,
അതിനുള്ളില്‍ ആധിയും കൂടിക്കലര്‍ന്നുവോ..

ചുറ്റും ചിരിക്കുന്ന കണ്ണുകള്‍‍ക്ക് ഇടയിലും ,
ചാവാത്ത ചങ്കിന്റെ സാന്ത്വനം കേള്‍ക്കുമോ...

തോരാത്ത തിരകളില്‍ നിന്നെ തള്ളി കൊണ്ട്,
തിരികെനടക്കുവാന്‍ ആവതില്ല എന്‍ പ്രിയേ.

തകരേണ്ട മൂല്യത്തിന്‍ അധികാര ഗര്‍വ്വിന്റെ,
തായ് വേരറുക്കുവാന്‍ ഒന്നായിരിക്ക നാം..... 

10 comments:

കാദംബരി said...

"അലസമാം മനസിന്റെ നടനമാണെങ്കിലും,
അതിലുള്ള സത്യത്തെ ഓര്‍ക്കാതിരിക്കുമോ...."
നന്നായിട്ടുണ്ട്

ആർപീയാർ said...

ഇനിയും എഴുതുക...

Anonymous said...

pls dont write again..... Mattoru Kavi

കാദംബരി said...

take the anonymous comment as a challenge
write more.

ജയകൃഷ്ണന്‍ കാവാലം said...

നല്ല വരികള്‍ കലാപന്‍. കവി സ്വയം ആയിത്തീരുകയല്ല. മറിച്ച് അവന്‍ ജനിക്കുകയാണ്. താങ്കളുടെ വരികളിലെ ആ ജ്വാലക്ക് പ്രകാശം പരത്തുവാന്‍ കഴിയുന്നുണ്ട്‌. അത് സമൂഹത്തോടും, വ്യവസ്ഥിതിയോടും സം‌വദിക്കട്ടെ.

വായനയുടെ വസന്തപുഷ്പങ്ങള്‍ നിറഞ്ഞ ഈ ബ്ലോഗില്‍ ഇനിയും വരാം

ആശംസകള്‍

ശ്രീഇടമൺ said...

നല്ല വരികള്‍...
മനോഹരം ഈ കവിത...*

Sureshkumar Punjhayil said...

Athmahathya cheythekkavunnavalkkuvendi ezuthenda. Jeevikkunna njangalkkuvendi ezuthuka... Ashamsakal...!!

sakeus said...

തകരേണ്ട മൂല്യത്തിന്‍ അധികാര ഗര്‍വ്വിന്റെ
തായ് വേരറുക്കുവാന്‍ ഒന്നായിരിക്ക നാം.....

ഹേമാംബിക said...

ഹോ , ശരിക്കും ഒരു കലാപകാരി തന്നെ !
കീപ്‌ ഇറ്റ്‌ അപ്പ്‌ .

Pranavam Ravikumar a.k.a. Kochuravi said...

കവിത മനോഹരം!